''പണി കിട്ടുവാണേല്‍ നിനക്ക് കിട്ടിയ പോലുള്ള പണി വേണം. ഇതാണ് ഞങ്ങള്‍ ആഗ്രഹിച്ച പണി'' എന്നൊക്കെ കൂട്ടുകാര്‍ പലരും പറയാറുണ്ടെങ്കിലും റണ്‍ ബേബി റണ്‍ ല്‍ ബിജു മേനോന്‍ പറയുന്ന പോലെ ചിലപ്പോഴൊക്കെ തിന്നിട്ടു എല്ലിന്റെ ഇടയില്‍ കേറുന്ന നേരങ്ങളില്‍ പറയാറുണ്ട്‌ 'ഓ..മടുത്തപ്പാ'ന്നു. എന്നിട്ട് പിന്നെ ആണ്ടും കൊല്ലവും എത്തി വര്‍ക്ക്‌ തീര്‍ക്കാന്‍ നിന്ന ഒരേയൊരു രാത്രിയെ കുറിച്ചും ഫേസ്ബുക്ക്‌ നോക്കി ഇരുന്നു 8 മണിക്കൂറില്‍ കൂടുതല്‍ നേരം പണിയെടുത്ത ദിവസങ്ങളെ കുറിച്ചും പരാതി പറയും. അപ്പോള്‍ കടുപ്പിച്ചു നില്‍ക്കുന്ന മുഖം പറയാതെ പറയുന്നൊരു dialog ഉണ്ട്.
''ഞാനൊന്നും ഇവിടെ നില്‍ക്കേണ്ട ആളല്ല ''
അങ്ങനെ ചിന്തിച്ചു സ്റ്റുഡിയോ ല്‍ നിന്ന ഏതോ ഒരു നേരത്താണ് ട്രാന്‍സ് ഏഷ്യ കെട്ടിടത്തിന്റെ 7 -മത് നിലയുടെ ചില്ല് ജാലകത്തില്‍ ഞാന്‍ ആ കാലുകള്‍ കണ്ടത്. ഞങ്ങളുടെ കണ്ണാടി കെട്ടിടത്തിന്റെ ചില്ലില്‍ പിടിച്ച പൂപ്പലും പായലും നീക്കാന്‍ വന്ന നാടന്‍ സ്പിടെര്‍ മാന്‍ ന്റെ കാലുകള്‍ ! നെഞ്ചിനു കുറുകെ കെട്ടിയിട്ട ബെല്‍റ്റ്‌ ല്‍ കൊരുത്തിട്ടിരിക്കുന്ന ഒരു കയര്‍. അതില്‍ ആണ് ആ തൊഴില്‍ ജീവിതം പെന്‍ഡുലം കണക്കെ തൂങ്ങിയാടുന്നത് !!
ക്ഷമിക്കുക..
ഞാന്‍ ഇവിടെ നില്‍ക്കെണ്ടവന്‍ അല്ലെന്നു ചിന്തിച്ച അഹന്തയ്ക്ക് മാപ്പ് നല്‍കുക.
എനിക്ക് ചവിട്ടി നിക്കാന്‍ ഒരു തറ എങ്ങിലുമുണ്ടല്ലോ !
athanu gudiii.., kannundayal pora kananam ennu parayunnathu
ReplyDelete