ചെക്ക്‌ പോസ്റ്റ്‌

മാറ്റങ്ങള്‍ നൊസ്റ്റാള്‍ജിയയുടെ പൈലറ്റ് വാഹനമാണ് !! 

പ്രൊഫൈല്‍

സൌഹൃദങ്ങള്‍ക്ക് പരിധിയുണ്ട് 
അടച്ചിട്ട വാതിലിനു മുന്നില്‍ അപേക്ഷകരുടെ നീളം കൂടുമ്പോള്‍ 
സംസാരങ്ങള്‍ നിലക്കുകയും നീ സമാധിയാവുകയും 
ഒടുക്കം ഒരു മതം  തന്നെ ആവുകയും ചെയ്യും 

ഇനി നിനക്കും പിന്തുടര്‍ച്ചക്കാര്‍ !! 

ആള്‍ക്കൂട്ടങ്ങളെ ഒറ്റക്കാക്കിയും 
ഒറ്റക്കായവരെ ആള്‍ക്കൂട്ടങ്ങള്‍  ആക്കിയും രസിക്കുന്ന സൂക്കര്‍ ബെര്‍ഗ് 

നീ മരിച്ചവരുടെ പ്രൊഫൈലുകളെ അടക്കം ചെയ്യുന്നത്‌ എവിടെയാണ് ?

കമ്പിളി പുതപ്പ്

നിന്റെ പിണക്കങ്ങള്‍  വേനല്‍ക്കാലത്തെ പുതപ്പു പോലെയാണ്  
എത്ര ചൂടാണെങ്കിലും അതിനകത്തൊരു കുഞ്ഞു തണുപ്പുണ്ടാകും !

അവള്‍

ചിറകുകള്‍ ഒളിപ്പിച്ചു വെച്ച് വെറും നിലത്തു കൂടി നടന്നു പോകുന്നൊരു പക്ഷി 

പാക്കറ്റ് പ്രണയം

പെണ്ണിന്റെ വാക്കും ലെയിസിന്റെ പായ്ക്കും ഒരേപോലെയാണ് 

പകുതി ഗ്യാസ് !!

തിരിച്ചറിവ്

പ്രണയത്തില്‍ പ്രണയത്തേക്കാള്‍ തീക്ഷ്ണമായ ഒന്നുണ്ടെങ്കില്‍ 
അത് വഞ്ചിക്കപ്പെടുമ്പോഴുള്ള പക മാത്രമാണ് !

പനി

പനി - ചില ഓ൪മ്മകള്‍ പോലെ
എത്ര കുടഞ്ഞു കളഞ്ഞിട്ടും തലയില്‍ നിന്നും പോണില്ല !!