ചിറകുകള്‍ ഉള്ളവരാണ് കടലിനു മീതെ സഞ്ചരിക്കുന്നത്
സൂര്യന് കുറുകെ പറക്കുന്ന കടല്‍ കാക്കകള്‍ക്ക് മാത്രമല്ല
തിരയില്‍ നിന്നും തിരയിലേക്ക് എടുത്തെറിയപ്പെടുന്ന പടകിനും ഉണ്ടത്
ഓളത്തിനു മീതെ വരുന്ന ക്രിസ്തുവിനെ നോക്കു
ആ ചുമലുകളിലുമില്ലെ അദൃശ്യമായ ചിറകുകള്‍ !
നിങ്ങള്‍ തിരകള്‍ക്ക് മീതെ ആയിരിക്കുമ്പോഴും പറന്നുയരുന്നില്ലെങ്കില്‍
സുഹൃത്തേ..
നിങ്ങള്‍ക്ക് ചുവട്ടിലുള്ളത് ചാവ് കടലാണ് !!
മാറ്റങ്ങള്‍ നൊസ്റ്റാള്‍ജിയയുടെ പൈലറ്റ് വാഹനമാണ് !!
സൌഹൃദങ്ങള്‍ക്ക് പരിധിയുണ്ട്
അടച്ചിട്ട വാതിലിനു മുന്നില്‍ അപേക്ഷകരുടെ നീളം കൂടുമ്പോള്‍
സംസാരങ്ങള്‍ നിലക്കുകയും നീ സമാധിയാവുകയും
ഒടുക്കം ഒരു മതം തന്നെ ആവുകയും ചെയ്യും
ഇനി നിനക്കും പിന്തുടര്‍ച്ചക്കാര്‍ !!
ആള്‍ക്കൂട്ടങ്ങളെ ഒറ്റക്കാക്കിയും
ഒറ്റക്കായവരെ ആള്‍ക്കൂട്ടങ്ങള്‍ ആക്കിയും രസിക്കുന്ന സൂക്കര്‍ ബെര്‍ഗ്
നീ മരിച്ചവരുടെ പ്രൊഫൈലുകളെ അടക്കം ചെയ്യുന്നത്‌ എവിടെയാണ് ?
